KORUPTOR 2
Teu karasa wanci geus pecat sawed panon poe karasa diluhureun sirah, panas pisan poe ieu mah kuring nunda dudukuy luhureun jukut dinatanggungan tuluy ngiuhan handapeun tanggal nangka nu ngajajar disisi tegalan ,kuring ngagentraan si ayim nu keur jongjon ngarit bari tetembangan sagala.na bet panas2 teuing poe ieu nya ceuk si ayim bari nyusutan kesang nu pinuh masehan awakna. enya sigana mah sore rek hujan jadi panas kasedek kuring mairan. lain kang basa kamari kunaon juragan istri dongkap meni carindul kitu? manehna nanya. kieu yim...juragan pameget teh kan geus aya 3 mingguna ngerem di polres manehna kena kasus korupsi tea geuning apal meuereu nyaneh ge? kuring ngomong.enya..kuring apal naha can beres wae kitu ? manehna malik nanya.
enya pugun gan istri kamari teh ngumaha ka kuring ..pangajualkeun sawah nu kiduleun lembur babakan tea yim? baruk rek ngajual sawah?...na teu bogaeun duit kitu? nya kitu tea yim...saprak gan pameget ditahan loba pisan cenah oknum polisi,wartawan ka arimah marenta itu ieu meres weh mun kasarna mah...tepi ka duit jeung perhiasan gan istri teh teu sirikna koredas.
ambuing2 loba nu ngagunakeun kasempatan dalam kesempitan tea meureun? adi kuring nanya..nya kira2 kitu lah...
gan istri mah carita ti sabarang gan pameget kaambeu terus dikurungan geus beak kana ratus jutana cenah,...dipenta diperes tiditu ti dieu...da eta tea tadi duit nang babari meureun babari deui beakna...
basa gan istri wakca ka akang kamari mah lain eta wae kasedih anjeuna teh yim,,,kakara katohyan gan pameget gaduh nu anom teu jauh didieu ge imahna di cijahe ..apal meureun maneh ge ..mojang cijahe nu daronto mah...
enya apal atuh cijahe mah...na saha garwana si agan teh atuh? si ayim mencrong ka kuring. nya kuring ge percaya teu percaya yim,,si agan teh kawin jeung si satem geuning penyanyi organ tea nu dilandih mita nirmala dipanggung mah ...baruk adi kuring kerung...nyaneh nyaho sorangan si satem / mita kacida dontona cacak-cacak randa anak 2 ge katemponan jiga parawan bae pangawakanana mah geuning.
si agan teh geus aya satauna ngawin si satem teh da nyaan kuring nu jadi supirna ge teu apal.pernah babaraha kali si agan sok rajeun tara daek dianter mawa mobil sorangan pajarteh aya rapat rusiah teu menang nyaho batur dimana tempat rapatna. ningal kana kaayaan si satem ayeuna sigana mah si agan teh bebeakan nyumponan nu ngora teh tuh tingal weh imahna ge kacida tohagana ayeuna mah ,barang emas rembel ,motor ge pan herang jeungna deui asa leuwih geulis si satem ayeuna mah da puguh tara elat ka salon teh meh unggal minggu.kuring ngahuleng ras inget ka dunungan nu pastina keur sangsara dijero bui teh nya nu riweuh mah geuning tetep weh jikan nu kolot gan istri nu istuning satia satuhu mah geuning si satem mah teu kaciri cukang irung-irungna acan tisaprak si agan dikurungan ge.
nya ari ningal kana balukarna mah geuning ngalajur napsu teh matak nyangsarakeun awak lain awak sakujur hungkul nu kasiksa teh anak pamajikan ge nanggung akibatna. nya ayeuna nu ngora nu kacida di momoy teh geuning teu bisa ngabantu nanaon bebeneran naker ada uang abang sayang ga ada uang abang ditendang teh sanes bobohongan. ehm,,,,karunya teuing gan istri anjeuna anu tohtohan ti sangsara tepi ka manggih kamulyaaan geus senang direbut batur sangsara kabagean deui wae .
ningal kajadian ieu teh kuring mah bati rumahuh da enya hiji kuring leungit pagawean da si agan nu ngagajihna ge keur dikurungan ,kadua-dua karunya ka gan istri sangsara kurang sagala rupa ngurusan anak jeung sagala rupana sosoranganan. duh enya geuning kahayang nu loba kasempetan nu aya tur hate nu teu panceg ngabalukarkeun korupsi.....
Hate teh keur sedih kingkin, ceurik balilihan meh unggal peuting inget kanu ninggalkeun...kuring teu indung teu bapa ,bapa mah nembe kamari tilar dunya teh ping 16 sept 2009.
